讀者阿儀問：「公司開會成個鐘，要我寫會議紀錄，好麻煩。有冇AI可以幫手整理？」
當然有！用AI工具可以將錄音轉文字，再自動歸納重點，幾分鐘就搞掂一份會議紀錄。
第一步：錄音轉文字
推薦工具：訊飛聽見（支援廣東話，免費版每月有1小時額度）、Otter.ai（英文為主，但可試廣東話）。
用手機錄低成個會議，上載到訊飛聽見，佢會自動將語音轉成文字稿，準確率約90%。
第二步：AI整理重點
將文字稿複製到ChatGPT，用以下指令：
以下係一個會議嘅錄音文字稿，請幫我整理成會議紀錄，要包含：會議主題、日期、與會者、討論重點（分點列出）、決定事項、跟進事項（邊個負責、幾時完成）。
AI會自動輸出整齊嘅會議紀錄，仲會幫你分好「討論重點」、「決定事項」、「跟進事項」。
第三步：用AI寫跟進email
指令：
根據以上會議紀錄，幫我寫一封email俾所有與會者，總結會議決定同跟進事項。
總結
用AI寫會議紀錄，可以將幾個鐘嘅工作縮短到幾分鐘。你只需要錄音、貼上、等AI整理，最後執少少就搞掂。慳返啲時間做其他嘢好過！